Po vazhdojnë gjobitjet për qytetarët të cilët po i thejnë rregullat e komunikacionit, shkruan IndeksOnline. Policia e Kosovës ka dënuar L.D, 35 vjeçar, i cili me automjetin e tij të udhëtarëve, shkaktoi kundërvajtje në komunikacion, në aksin rrugor Ferizaj – Kaçanik. “Drejtoria Rajonale e Policisë në Ferizaj, ka marr veprimet e duhura policore dhe ka arritur të identifikojë personin, i cili  me automjetin e tij të udhëtarëve, shkaktoi kundërvajtje në komunikacion, në aksin rrugor Ferizaj – Kaçanik.
Policia, e ftoi qytetarin L.D(M/SH/K) 35 vjeçar, në Njësinë Rajonale të Komunikacionit Rrugor në Ferizaj dhe ai në tërësi e pranoi kundërvatjen e shkaktuar dhe për këtë mori gjobë, sipas ligjit të komunikacionit rrugor. Me këtë rast, Drejtoria Rajonale e Policisë në Ferizaj, inkurajon qytetarët, si në këtë rast,  që të njoftojnë policinë, pa hezitim, për kundërvajtjet e ndryshme, që mund të shkaktohen në komunikacionin rrugor”, thuhet në njoftim. Bashkëpunimi qytetar-Indeksonline-Polici është duke vazhduar. Kjo fushatë e nisur nga IndeksOnline ka për qëllim uljen e numrit të aksidenteve dhe përmirësimin e gjendjes në trafik.