Gjatë 24 orëve të fundit, në Kosovë janë raportuar tri raste të dhunës brenda familjes nëpër komuna të ndryshme. Në Prishtinë, pas një mosmarrëveshje mes çiftit, bashkëshorti ka ushtruar dhunë në familje.
Palët janë intervistuar nga prokurori ndërsa rasti ka shkuar më tutje në procedurë të rregullt. Tutje, në Fushë Kosovë, një grua ka marrë trajtim mjekësor në QMF pas bashkëshorti i saj ushtroi dhunë fizike pas një mosmarrëveshje. I dyshuari ka ikur nga shtëpia dhe ende nuk është kapur nga Policia. Në Ferizaj, Policia arrestoi dy të dyshuar, pasi që njëri nga ta ka ushtruar dhunë brenda familjes, ndaj bashkëshortes së tij dhe anëtarëve tjerë të familjes. Me vendim të prokurorit dy të dyshuarit janë dërguar në mbajtje.